Haserre dago PSE-EE hondakinen proba pilotua martxan jarri delako, eta, hori dela eta, Hondakinen Mahaia uztea erabaki du. Horren harira, honakoa salatu du Jose Luis Cantero zinegotziak: "Sistema mistoa inoren adostasun gabe eta Bilduren inposizioarekin jarri dute abian; gure kasuan Zero Zaborren eta Ezker Anitzaren bermea duela".
Salatu gura izan du Hondakinen Mahaia Eskoriatzako herriak "zabal" arbuiatzen duen sistema "ezartzeko" erabili dutela.
EAJ alderdiaren jarrera ere kritikatu du, honakoa esanda: "Bildu atez ateko sistema ezartzeagatik errudun da; baina EAJ ere bada, Bilduri gura duena egiten utzi diolako eta Gipuzkoako Gobernuari ez dioelako beste proposamen batekin aurre egin".
Udalean eta kalean
Jose Luis Canteroren taldeak nabarmendu du "beti" egon dela atez atekoaren kontra eta horren bueltan hainbat mozio aurkeztu dituela Udalean. Horrez gain, herrian antolatu diren protestetan ere parte izan duela gogorarazi du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak