Eskoriatzaz gain, beste zazpi udalek jasoko dute laguntza herrietako bidegorri sarea osatzen joateko: Zizurkil, Zarautz, Villabona, Eskoriatza, Ordizia, Hernani, Beasain eta Donostia. Gipuzkoako foru sarea osatzeaz gain, herri barruko sareak osatzea mugikortasun iraunkorrean aurrera egitea da Aldundiarentzat.
25 udalek aurkeztu zituzten eskaerak eta horietatik zortziri eman zaie diru-laguntza. Finkatutako kreditu erabilgarria agortu arterainoko laguntzak eman dira puntuaketa bidez hurrenkera osatuta. 250.000 euroko laguntza zen guztira, eta diru-laguntza deialdiko oinarrien arabera, gehienez, aurrekontuaren %60 edo 75.000 euroko topea jaso zezaketen.
Bizikleta, autoaren ordez
Bidegorriak eguneroko mugikortasunari begira elementu garrantzitsua direla uste du Aldundiak, eta ildo horretan, Gipuzkoako bidegorri sarea osatzeko pausoak ematen ari da ahal den neurrian. Aipatutako diru-laguntzak udalek ere bere sarea osa dezaten lagungarri dira. Modu honetara herrian bertan autoaren alternatiba bihur daiteke bizikleta, bizikletaz mugitzeko aukerak gero eta ugariagoak direlako. Udal sareaz harantzago, foru sarea osatzeko ere pausoak eman ditu Aldundiak.
Aldundiak mugikortasun iraunkorraren aldeko apustua egiten du, eta bidegorriak aisialdirako ez-ezik, eguneroko mugikortasunerako baliabide garrantzitsua direla dio.