Ez da asteon herri plataformak egin duen ekintza bakarra. Atzo arratsaldean, Eskohitza prozesu parte-hartzailearen heriotza salatzeko, hileta antzeztu zuten autobus geltoki eta plaza artean; hileta-kutxa erabili zuten ibilbide horretan. Plazara iristean, manifestua irakurri zuten, eta informazio orriak eta doluko begizta beltzak banatzearekin batera, doluminak jaso zituzten idatziz.
Ekintza horrekin bideoa egin dute Youtubera igotzeko asmoz. Horretaz gainera, ‘Los cuentos de la basura’ izeneko bloga ere jarri dute martxan. Antolatzen diharduten ekintzen berri emateaz gain, ekarpenak ere jasotzen dituzte horretan.