Bizikleta elektrikoak, led teknologiadun argiak, irradiatze-zorua, eguzki plakak, argiarekin “dantzan” jartzen den “eltxoa”, lurpetik berotasuna hartzen duen sistema…halako eta antzeko sistema eta berrikuntzak ikus daitezke Eskoriatzako Jasangarritasunaren azokan, beti ere, aurrezpena bultzatzen duten teknologia berriak. Gaur (domeka) goiza da azkeneko aukera: 11:00etatik 14:00ak arte izango da zabalik.
Eguerdi partean, gainera, hamarretakoa emango diete bisitariei: taloak eta beste.
Orain arteko bisitariak gustura asko ibili dira kuxkuxeatzen, eta gehienek dioten moduan, “ikasten”; azken batean azokan erakusgai dagoen gehiena berria da-eta, edo gehienok ezagutzen ez duguna.
Hortxe aukera, beraz, esamoldeak dioen moduan, ikusi eta ikasteko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.