Oliver Hernandez Estrella

2019ko azaroaren 17an hil zen, 39 urte zituela.

Lausotu zaigu gaua  
lausotu eguna
samina sentitzen da 
eta min astuna
busti dira begiak
bihotza biguna
orain elkar heltzea
da behar duguna
iritsiko da unea 
zugatik laguna
zerbait polita eskaini
ahalko dizuguna.

Min bat dugu barruan 
gira eta bira
baina mezu hau lagun 
zuretzat, begira
begiratuko dugu
zu zauden tokira
bultzatuko gaituzu
beltzetik argira
zeru zabal horretan 
eginaz distira
gaurdanik gure gauak 
argiago dira.