Haizea tabernan egunero daude tripakiak, eta bezeroek animatuta parte hartu zuen iazko txapelketan. Hura irabazita, aurten ezin zuen hutsik egin, eta txapela berretsi du. "Tripaki goxoak egiten ditugula sinistu beharko dugu dagoeneko. Egia esan, urteetako jardunarekin, eta behin eta berriz prestatuta, neurria hartu diogu dagoeneko. Pentsa, 28 urte daramagu tabernan, eta astero, batez beste, 20-25 kilo tripaki egiten ditugu".
Prestatutako tripakien itxura, zaporea eta testura hartu zituzten aintzat epaimahaiko kideek. Azken bietan eragin zuzena dauka erabiltzen den jeneroak. "Leku berean erosten ditugu tripakiak. Badakigu jeneroa ona dela, eta ahora sartu orduko tripakia desegin egingo dela".