Korrika Txikia (13:00), txokolate-jana (16:00), Herri Korrika (18:00) eta Ad Libitum txaranga (18:30) daude antolatuta, oraingoz. Herriko beste eragileren batek ekintzarik egin nahi badu, batzordeak hilaren 17ra arteko epea ipini du proposamenak jasotzeko. Batzordearekin harremanetan jartzeko helbide elektronikoa hauxe da: korrikaelgeta@gmail.com.
Korrika laguntzaile kanpaina ere martxan dagoela azpimarratu du batzordeak. Korrika.eus webgunean dago eskuragarri informazio guztia.
Herri Korrika
Martxoaren 26ko Herri Korrikan lekukoa eraman nahi duten eragileek hilaren 23rako egin behar dute eskaera. Hamabost eragilek eman dute izena, oraingoz. Honako hauek dira: kontsumo taldea, Astindu padel, Intxortako Ahuntzak, Domingo Iturbe Fest, Udala, Elgetako EH Bildu, Maala guraso elkartea, haur eskola, Mendi Mendia Racing, Babesgabe taldea, Goibeko, Maialde, Elbape baratze parkea, eta Janela. Korrika batzordea hilaren 24an elkartuko da berriz, 18:00etan, udaletxean.