Azaroaren 25ean Indarkeria Matxistaren Kontrako Nazioarteko Eguna dela eta, Amantalak talde feministak elkarretaratzea deitu du. Martitzenean, 19:00etan plazan egingo den kontzentraziora batzeko dei egin dute. "Elgetan ez inon, ez dugulako indarkeria matxista onartuko", azaldu dute antolatzaileek.
Bestalde, azaroaren 29rako prest dute aurtengo Emakumea eta Kirola egitaraua. Iaz egin zuten lehenengo edizioa eta pilota izan zuten ardatz. Oraingoan dantzak hartuko du protagonismo ia osoa.Egun guztiko egitaraua 10:30ean hasiko da; dantza saioak egingo dituzte, ia guztiak Elgetako emakumeek gidatutakoak: zumba, erromeria, swing eta aretoko dantzak tarteko. Bazkaria ere antolatu dute.