Aurreko urteetan moduan, bi ordu eta erdiko saioa izango da eta 14:00etan luntxa egongo da Bolatokian. Surfrider GKEren ekintza pedagogikoak ere izango dira egunean zehar. Hamabostaldi Berdearen barruan Elgetako Udalak antolatutako ekintzen artean kokatzen da.
Debagoiena mailan egiten den ekimena da. Gainerako herrietan ere egin dute errekak auzolanean garbitzeko deialdia. Errekak Bizi Auzolanean herri ekimen bateratuaren laugarren edizioa izango da.
Sukaldaritza ikastaroa martitzenean
Elgetako Hamabostaldi Berdeak aurrera jarraituko du hurrengo astean ere. Sukaldaritza agroekologikoari buruzko saioa izango da eguaztenean, 18:00etan, Intxortan.
Koxinatu proiektuaren eskutik izango da eta bi ordu eta erdiko saio teoriko praktikoa izango da. Hamabi plaza daude eta interesatuek udaletxean egin behar dute izen-ematea.