Uztailaren 3tik 6ra bitartean ospatuko dira aurten Elgetako Ferixa Nagusiko jaiak eta kartel lehiaketara aurkeztu diren bederatzi proposamenak ikusgai izango da laster batean –gaurtik aurrera ez bada, bihartik aurrera– kultura etxeko zeramika gelan.
Gustukoena izendatzeko aukera izango dute egunotan elgetarrek. Jai batzordeak ekainaren 8ra arteko epea jarri du horretarako.
QR lotura bidez eman ahalko dute botoa elgetarrek. Hau da lotura. Eta, baita ere, modu fisikoan. Txikienek, berriz, liburutegian izango dute horretarako aukera.
Jai batzordeak ekainaren 9ko batzordearen ostean emango du jakitera zein den irabazlea. Boto zenbaketa egin ostean izango da hori. Ehun euroko sari bakarra dago jokoan.