Elgetako Kaxilda da Donostiako San Tomas Eguneko txerria eta goizetik dago Donostiako Konstituzio plazan. "Jende mordoa du denbora guztian ondoan Kaxildak, denek nahi diote kasu egin. Bastante trankil dago, baina antzeman dio jai giroa dagoela inguruan", dio Peio Bilbao elgetarrak.
Elgetako Arantzeta baserriko 400 kiloko Kaxilda txerria da Donostiako San Tomas eguneko feriarako aukeratu dutena eta hango Konstituzio plazan dago goizetik, Peio Bilbao elgetar abeltzainarekin batera. "Jende pila gerturatzen zaio, denek nahi diote kasu egin. Antzeman dio zerbait pasatzen dela gaur, jai giroa dagoela, baina nahiko trankil dago. Bidaia ondo egin dugu. 18:00ak arte edo egongo gara hemen", dio Bilbaok.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
