Hala ebatzi du Ibon Unzetabarrenetxea alkateak, joan zen eguaztenean hildako Patxi Basauri alkate ohia gogoan. "Alkatetza-aldietan elgetar guztien ordezkari izan zela kontuan hartuta, bere izaera aparta eta Elgetaren garapena eta ongizatea sustatzeko egin zuen ahalegina azpimarratu nahian", dolu-egun dekretatu ditu egubakoitzetik domekara bitartekoak eta Mendizaleen plazako ikurrina haga erdira jartzeko agindua eman du.
Gaur, zapatua, egingo da haren aldeko hileta-elizkizuna, 19:00etan, Elgetako parrokian. Udaletxetik lore-sorta eramateko asmoa azaldu dute, eta udalbatzako kide diren hiru zinegotzi jeltzaleek elizkizunean izango direla aurreratu dute. Era berean, EAJk iragarri dute ekitaldi bat egingo dutela aurrerago.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.