Jai batzordeak gaur eman du erabakiaren berri; Zaldibarko Itxaso Gaztelurrutia Blancoren lanak jaso ditu boto gehien aurreko astean egindako parte hartze prozesuan. "245 boto jaso dira, eta Gaztelurrutiaren lanak 61 jaso ditu", azaldu dute jai batzordetik.
Kartelean zuri-beltzeko argazki bat eta bi dantzari ageri dira; hiru kolore nagusi ditu: zuria, gorria eta beltza edo grisa.
Hamahiru proposamen izan ziren ikusgai aurreko astean zeramika gelan. Herritarrek botoa emateko aukera izan dute eta Gaztelurrutiaren lanak jaso ditu gehien. Gauzak horrela, berak jasoko du 100 euroko saria eta bere lanak iragarriko ditu 2024ko Ferixa Nagusiko jaiak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
