Energia trantsizioaren mesedetan hainbat neurri har daitezke, eta, horretarako, etxeko egoera energetikoa ezagutzea ezinbestekoa da, gero horren araberako neurriak hartu ahal izateko. Zenbat kontsumitzen du hozkailuak? Zenbat hezetasun dago etxean? Zenbat berok ihes egiten du?
Tailer praktikoa
Halako galderei erantzuna ematen saiatuko direla azaldu du tailerreko gidari eta eraikuntza jasangarrian aditua den Oihana Ollokiegik. Tailer praktikoa izango da, eta energia galerak non eta zergatik gertatzen diren aztertuko dute lehengo eta behin. Gero, nork bere etxeko efizientzia energetikoa nola neurtu erakutsiko dute horretarako propio ekarritako gailuen funtziona- mendua azalduz.
Tailerra amaitutakoan, parte-hartzaileek etxean neurketak egin ahal izateko hainbat gailu dituzten maletak txandaka etxera eraman eta neurketak egiteko aukera izango dute.
Tailerrean parte hartzeko ezinbestekoa da aurrez izena ematea. Gaur, barikua, da horretarako azken eguna. Interesatuek argitu@gipuzkoa.eus helbide elektronikora idatzi behar dute.
Antzuolan egindako tailerraren inguruan egin zuen erreportajea Goienak.
