Goiko kaleko jaiak giro onean joan dira. Fernando Ojanguren hasi zen antolatzen orain urte batzuk eta lekuko aldaketa ere egin dute aurten. Jaien barruan suak, brindisa, aurreko urteko argazkien emanaldia, bazkaria, erromeria eta igel jokoa izan dituzte.
Frontoi zaharrean elkartu dira San Roke Eguneko ospakizunetarako auzotarrak eta bildotsa izan dute aurten bazkaltzeko. Bertan erretako bildotsa, gainera. Bezperan, zuhaitza ere altxatu zuten Kantoiko parean.
Fernando Ojangurenek azaldu zuen lekukoa pasatzeko unea iritsi zitzaiola eta San Roke Egunean jaso zuen lekukoa Jose Mari Unzetabarrenetxeak.
Igel jokoan, berriz, Beñat Leanizbarrutia izan da txapelduna.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.