Munduko txapelketan zazpigarren izan da Oihana Kortazar, azken metroetan Emilie Forsbergi esprinta irabazita

Xabier Urtzelai 2023ko ekainaren 8a

Oihana Kortazar eta Emilie Forsberg, azken metroan. Argazkiak eta bideoa: Espainiako Atletismo Federazioa.

Munduko Txapelketako 45 kilometrotako lasterketak agoniazko amaiera izan du Oihana Kortazarrendako eta Emilie Forsbergendako. Izan ere, bost ordu pasatxoz mendian korrika ibili eta gero esprint estuan amaitu dute proba eta leher eginda gurutzatu dute helmuga. Elgetarra izan da bietan azkarrena (5.18.45).

Debagoienak Munduko Txapelketan izan duen beste ordezkaria, Ainara Urrutia aretxabaletarra 45. postuan sailkatu da (5.51.05). Lasterketako irabazlea Clementine Geofray izan da.