Gaur arratsaldean jaso dute abisua Ertzaintzan, eta berehala bertaratu dira lehergailu-teknikariak. Intxortako 1937 kultur elkarteko kide Jon Etxezarragak azaldu duenez 115 milimetroko artilleria jaurtigaia da lur azpian aurkitu dutena. "Pieza oso ohikoa da inguru honetan. Artilleria frankistak asko erabilitako jaurtigaiak izan ziren, batez ere babeslekuak, etxeak eta baserriak suntsitzeko".
Egoera baloratu ostean Ertzaintzako lehergailu-teknikariek erabaki dute lehergailua bertan leherraraztea.
Behin baino gehiagotan agertu dira 36ko gerrako lehergailuak Elgeta inguruan. Azaro hasierakoa da antzerako azken aurkikuntza.
