Zapatu eguerdian zabaldu zituen ateak Txema Barrutiaren, Manolo Cainzosen eta Fernando Larrañagaren ekimenez antolatutako ekimenak. Udal Artxiboko argazkiekin osatutako erakusketak 331 argazki jasotzen ditu, tartean berriki artxiboko kutxa zahar batean agertutako 1940. urteko 72 argazki.
"Oso pozik gaude erakusketak izan duen arrakastagatik", azaldu du Larrañagak "Polita izan da ikustea elgetarrek nola gozatu duten argazkiekin, eta nola inplikatu diren akatsak zuzentzen eta falta ziren izen batzuk ipintzen. Oso pozik sentitzen gara egindako lanak horrelako harrera izateagatik".
Erakusketa hilaren 24ra arte egongo da zabalik. Zapatuetan eta domeketan 11:00etatik 12:00etara, eta eguenean eta barikuan 18:00etatik 20:00etara.
"Mila esker Elgetako herriari eta jarraituko dugu argazkien kontu honekin elgetarren laguntza jasotzen badugu", gaineratu du Larrañagak.
