Non daude kanpandorreko ordulariaren orratzak?
Gasteizko gure tailerrean. Garbitu, txukundu eta margotu egin ditugu, eta haien lekura itzuliko dira erlojuaren barruko makineria berria ipintzerakoan.
Zer gertatzen zaio ordulariari?
Orduak joarazten dituen mekanismoak huts egiten zuen, eta baita pisuak igotzen zituzten motor elektrikoek ere. Hori dela-eta, sarritan gelditzen edo atzeratzen zen. Ordulari ona da, baina urte asko ditu eta espezializatutako jarraipena eta mantentzea eskatzen ditu, eta Elgetan ez dago espezialistarik aldiro behar dituen doikuntzak egiteko. Gasteizko Murua etxean egindako erlojua da, eta 50 bat urte ditu. Hiriburuan badira martxan dauden erloju berdinak, baina guk egiten ditugu mantentze-lanak.
Zer aldatuko diozue ordulariari, orduan?
Erabiltzaileari begira, erlojua ez da aldatuko. Esfera, orratzak eta kanpai-hotsak mantendu egingo dira. Barruko sistema da aldatuko dena; orain arteko sistema mekanikoa kendu eta sistema elektroniko bat jarriko diogu. Zehaztasuna hobetu egingo da, mantentze-lanak gutxitu egingo dira eta, orain arte ez bezala, sistema programatzeko aukera izango da.
Noiz egongo da ordularia berriz ere martxan?
Gutxienez beste zazpi bat egun kalkulatu behar dira. Ordulari mota honekin gertatzen dena da bakoitza bakarra dela eta piezak enkarguz eskatu behar izaten dira. Kasu honetan, kanpaiak jotzen dituzten elektromazoen zain gaude. Kantabriako Hermanos Portilla artisau-etxeari eskatuta daude. Abel Portilla maisu galdatzailea ari da lan horrekin. Lehen mailako espezialista da, baina bere denbora behar duen lana da.
Kanpandorretik zintzilik lanak egiteko