Domekako Ferixa Nagusiko ganadu azoka bertan behera uzteko erabakiaren aurrean, Elgetako udal gobernuak ohar bidez adierazi du antolatzaileek "ahaleginak eta bi" egin dituztela ganadu feria normaltasunez egin ahal izateko. Eta gaineratu du bat egiten duela ganaduzaleen planto erabakiarekin, "ganadu azoka duin bat antolatzeko baldintza eta berme nahikorik ez dagoelako". Gogoratu dute barazki eta artisau azoka egingo dela 50 bat posturekin.
Hona hemen udal gobernutik adierazitakoa:
- Elgetako Udala eta ganadu azokako antolakuntzan dihardugunok ahaleginak eta bi egin ditugu ganadu feria normaltasunez egin ahal izateko.
- Orain arte bezala, beharrezko tramite guztiak denboraz egin ditugu, ohiko datak errespetatuz.
- Gipuzkoako Foru Aldundiak jarritako traba eta atzerapenak medio, ganaduzaleek planto egitea erabaki dute.
- Elgetako udal gobernuak bat egiten du ganaduzaleen erabaki horrekin, ganadu azoka duin bat antolatzeko baldintza eta berme nahikorik ez dagoelako.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
