Euskaraldia batzordea eratzeko batzar irekia, bihar, Elgetan

Larraitz Zeberio Lekuona 2022ko mai. 18a, 12:02

Elgetako hamaikakoa 2018an egindako lehen Euskaraldian.

Euskaraldiaren aurkezpena eta herriko batzordearen eraketa egingo dituzte bihar, eguena, Ozkarbi elkartean, 18:30ean. Azaroaren 18tik abenduaren 2ra izango da 2022ko Euskaraldia. Sei hilabete gelditzen dira, eta lanean hasteko unea da.

Euskaraldia batzordea eratzeko deialdia egin du Goibeko Euskaltzaleen Topaguneak. Hitzez ekiteko garaia lelopean egingo da 2022ko Euskaraldia azaroaren 18tik abenduaren 2ra. Hirugarren aldia izango du euskararen aldeko ariketa sozialak, eta egin berria den Korrikari hartuko dio lekukoa.

Inguruko gainerako herrietan bezala Euskaraldia abian jartzeko batzar irekia egingo da Elgetan ere. Interesa duten herritar guztiak daude parte hartzera gonbidatuta.