Gutxi baina elurra egin du Elgetan, eta mendi tontorrak eta bazterrak zurituta esnatu dira gaur. Badaki apirilarekin elurra egiten Elgetan, baina ez da oso ohikoa izaten. Oraingoz, gutxi bota du baina protokoloa martxan da bai Udalak bai Foru Aldundiak.
Errepide guztiak daude zabalik eta gatza eskuragarri dago udaletxeko arkupean. Udaletxeko brigadako kideak ere gatza botatzen ibili dira gaur goizean eta gutxieneko neurriak hartzeko eskatu zaie herritarrei.
Gainerakoan, bazterrak zurituta esnatu dira. Gutxi bota du, pare bat zentimetro eta laster joan da errepide eta joan-etorri handiko lekuetatik. Teilatuetan, aparkatuta dauden autoen gainean eta lorategietan ikusten da elurra, orain. Asentzio moduko lekuetan nabariagoa da elurra.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
