Poliki-poliki, gauzak ari dira forma hartzen, eta herritarren lehen erantzuna ona izan da. Korrika dendak 1.200 bat euro atera zituen material salmentarekin. Gogoratu, material horrek salgai jarraitzen duela Korrikaren online dendan.
Elgetako Korrika batzordeko kideek, orain, Korrika Lagun kanpainako gutunak banatuko dituzte herriko tabernetan, dendetan, elkarteetan eta enpresetan.
Herri Korrika eta Korrika Txikia, apirilean
Baieztatuta dago, bestalde, apirilaren 1ean Herri Korrika izango dela Elgetan. 18:30ean abiatuko da eta, 2019an bezala, herriko eragileek eskutik eskura ibiliko dute lekukoa. Batzordeak eskatu du parte hartzea lehenbailehen baieztatzea, laster erabakiko baitira bai ibilbidea bai eragile bakoitzari egokitutako zatia. Eskolak Korrika Txikia ere egingo du; apirilaren 8rako iragarri dute.
Hurrengo Korrika batzordea hilaren 30ean izango da. Batzor- dearekin harremanetan jartzeko nahikoa da korrikaelgeta@gmail.com helbidera idaztea.
