Zapaltzen gaituen sistemari sua! lelopean aldarrikatuko dute Emakumeen Nazioarteko Eguna Elgetan. Elkarretaratzea eta doako ipuin kontaketa saioa egingo dute.
Azken urteetan egin izan den moduan, Udalak deituta elkarretaratzea egingo dute Martxoaren 8an, Mendizaleen plazan, 19:30ean.
Dorleta Kortazar ipuin kontalaria
Horren aurretik, Dorleta Kortazar ipuin kontalariaren saioa egongo da, 18:00etan, liburutegian. 80 amandre helduendako ipuin saioa eskainiko du eskoriatzarrak. Ametsak, desioak, lana eta tristurak mototsean kiribildu eta munduari irribarre egiten ikasi zuten emakumeen istorioak dira Kortazarrek kontatuko dituenak.
