HitzEkin lelopean egingo da 22. Korrika. Amurriotik abiatuko da martxoaren 31n eta Donostiara helduko da apirilaren 10ean. Korrika ez da oraingo honetan ere Elgetatik pasako, baina bai Debagoienetik; apirilaren 1ean, hain zuzen ere.
Korrikarekin bat egiteko deia luzatu dute, eta lehen batzar irekia dago iragarrita eguaztenerako, hilak 16, 18:30ean udaletxean. Ikuska Lizarralde izendatu dute Debagoieneko Korrika koordinatzaile eta hark gidatuko du batzarra.
Batzordea eratu eta lehenengo egitekoak abiaraztea da helburua; Korrika laguntzaile kanpaina, material salmenta, Korrika Kulturala, Korrika Txikia...
2015ean pasa zen Korrika Elgetatik azkenengoz. Herri erdi erditik igaro zen. Aurtengo edizioari dagokionean asmoa da elgetarrek Debagoieneko ibilbidean tarte bat edukitzea lekukoa hartu eta zati bat egiteko.
