Iluntzean elkarretaratzea egin dute Elgetan Martxoaren 8a aldarrikatzeko

Berdintasunerako lanean elkarrekin lelopean elkartu dira hainbat herritar Mendizaleen Plazan. Herri Eskolan eta ludotekan ere lanketa bereziak egin dituzte egunean zehar.

Hamabost minutuko elkarretaratzea egin dute elgetarrek, 19:00etan. Berdintasunerako lanean elkarrekin  zioen pankartaren atzean elkartu dira hainbat lagun eta txaloekin eman diote amaiera ekitaldiari. Pankarta udaletxeko balkoian egon da ikusgai goizetik.

Herri Eskolan eta udal ludotekan

Herri Eskolan goizean goizetik sumatu da Emakumeen Nazioarteko Eguna aldarrikatzeko eguna zela. Musikarekin egin dituzte eguneko sartu-irteera eta kolore morea izan da nagusi egunean zehar. Taldeka horma irudi bat osatu dute neska-mutikoek eta eskolako sarreran dago ikusgai. Horrekin batera tratu onen argazki erakusketa ere egin dute nork bere etxetik eramandako argazkiekin. Geletan, berriz, lanketa bereziak egin dituzte, besteak beste, ikus-entzunezkoak ikusiaz.

Udal ludotekan ere badihardute gaiarekin. Astean zehar hainbat emakume izango dira protagonista. Biografiak osatu eta haien nondik norakoen berri izango dute txikienek. Frida Kahloren eta Joana Arc-ekoaren txanda izan da gaur. Nagusienek osatzen dituzte biografiak eta gaztetxoenei aurkezten dizkiete.

 

Erlazionatuak

Beste urte batez, Debagoieneko feministak, saretuta

Debagoiena

Bailarako feministek indarrak batzeko apustua egiten dute urtero, batez ere, martxoaren 8aren bueltan. Eta aurtengoa bestelakoa izaten ari den arre...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.