Kakorratz eta puntu eskulanak egiten dituzte eta Olga Fernandezek eta Ana Royuelak gidatzen dute ekimena. "Pandemia dela-eta erretiratu asko inora irten barik daude. Egoerak ez du batere laguntzen, eta horregatik jarri genuen ekimena martxan". Fernandezek gogorarazten du aukera zabalik dagoela, eta beste lau bat leku libre daudela. Interesatuek deitu besterik ez dute: 667 80 70 06.
Saioak 17:00etatik 18:30era egiten dituzte. Olga Fernandezek azaldu du jende gehiago animatzen ez bada aldi baterako eten egingo dutela ekimena. Horregatik animatzen dituzte Elgetako erretiratuak izena ematera eta parte hartzera.