Elurra dela-eta, abisu horia ezarri du Segurtasun Sailak biharko eta etzirako. Bi egunetan, 1.000 metrotik behera kokatuko da elur-kota, eta 600 metrora ere zurituko duela iragarri dute.
Bihar, hilak 24, elur-kota 1.000 eta 1.200 metro artean egongo da, baina gauerako, 800 eta 900 artera jaitsi daiteke. Bide horri jarraituz, etzirako, kota hori 500 eta 600 metroraino jaitsi daiteke, eta gainera, bost zentimetroko lodiera har dezake.
Prezipitazioei dagokienez, bihar arratsalderako prezipitazio txiki edo ertaina iragarri dute, eta berdin egubakoitz goizerako.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.