Ezohiko Gabonak datoz, baina Gabon giroa nolabait sumatzeko kantuan ibili dira, gaur goizean, Herri Eskolako neska-mutikoak. Bizikidetza talde iraunkorrak mantenduz egin dituzte txandakako irteerak, eta gurasoei deialdirik egin gabe. Txoripan-jana eta Mari Domingiren eta Olentzeroren bisita ere izango dituzte, gaur, eskolan.
Gaur hartzen dituzte Gabonetako oporrak Elgetako Herri Eskolan ere, eta eskola egun berezia izaten ari da. Baserritar jantzita heldu dira eskolara ume gehienak, eta lehenengo egitekoa kalean Gabon kantak abestea izan da. Egoerak eskatutako neurriak hartuta egin dituzte txandakako irteerak. Bizpahiru kantu egin ditu talde bakoitzak herriko txoko jakin batzuetan. Plazara gerturatu dira txikienak, lehenengo. Nagusiagoek Bolatokirainoko edo Domingo Iturbe kalerainoko bidea ere egin dute. Batzuk kantuan egin dute. Beste batzuk soinuarekin eta panderoarekin irten dira.
Umeak kantuan entzuteko aukera izan duten helduek gogoz txalotu dituzte.
Eskolak grabatu egin ditu irteerok eta bideoa bidaliko du familietara behin gertatutakoan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak