"Ingurumena zaintzea ezinbestekoa dela uste dugulako, gure bizimoduak eragiten dituen arazoez jabetzera eta gogoeta bat egitera gonbidatu nahi zaituztegu. Horretan laguntzeko egitarau bat prestatu dugu", azaldu du Ingurumen zinegotzi Ibai Larrañagak.
"Mankomunitatearen eskutik, sortzen ditugun hondakinak nola kudeatzen diren ezagutuz ekingo diogu. Martitzenean gaztetxoenentzat kontzertu didaktiko bat eskainiko digu Trakamatrakak. Eguaztenean, energiaren autokontsumorako bidean eman beharreko pausoak azalduko dizkigute Goienerreko lagunek. Eguenean, Ekologista naiz baino... hitzaldia eskainiko dugu, nork ez dauka kontraesanik? Zapatuan errefusaren karakterizazioa egingo dugu plazan. Elgetan ongi sailkatzen dugu baina oraindik badugu zer hobetu. Bukatzeko, domekan, Lehenengo erreka garbitzera joango gara eta nahi duen ororen laguntza ongietorria izango da. Gainera, astean zehar, liburutegian interesgune bat izango dugu prest. Ea guztion artean Elgeta berdeago eta jasangarriago bat egitea lortzen dugun. Har ezazu parte!", gaineratu du.
