Aldarrikapen eta oroimen eguna egiten dute urtero Elgetan. Gaurko zeuden iragarrita egitarauko ekintza garrantzitsuenak, eta gerrako umeak omentzea zen, aurten, helburu nagusia.
"2020ko apirilaren 26an gerrako umeei merezi duten omenaldia egin nahi genien, baina COVID-19 pandemiak asmoa zapuztu zigun. Ez, ordea, herri honek memoria historikoarekin duen konpromisoa! Deialdia zabaldu genuen herritarren artean marrazki, bertso, argazki, dantza edo edozein adierazpen bidaltzeko. Hauxe da emaitza, herri oso batek urte luzez egindako lanaren ondorioa. Mila esker zuzenean edo zeharka lagundu duzuen guztioi, onenak zarete! Egia, justizia eta erreparazioa!", adierazi dute udaletik.
