Kultura agenda beteta dator domekarako. Pintxo domekak bigarren eta azken domeka izango dute. Pintxo eskaintza berezia izango dute Bolatokia, Haizea, Maialde eta El Rincón de Lola tabernetan. Bezeroei, gainera, sariak irabazteko aukera emango diete baldin eta pintxoen osagaiak asmatzeko gauza badira. Pintxoen prezioa izango da 1,3 euro eta 12:00etatik aurrera egongo dira salgai.
Bestelako hitzorduak
Pintxoekin batera bestelako hitzorduak izango dira domekan, Elgetan. Batzuk eguerdi inguruan eta beste batzuk iluntzean. Hona hemen egitaraua:
- 12:00etan, argazki lehiaketa plazatik abiatuta. Izen-ematea egunean bertan, plazan.
- 12:00etan, Uxue Alberdi eta Miren Amuriza bertsotan. Gaia: Indarkeria Matxistaren Kontrako Eguna. Eguraldi onarekin plazan, bestela udaletxean.
- 13:00-14:30, Kidam magoa tabernaz taberna trikimailuak egiten.
- 19:00-20:30, Herrixa Dantzan saioa Espaloian. Ikasturteko lehenengo dantzaldia.