EH Bilduk irabazi ditu gaur udal hauteskundeak, Elgetan. Aintzane Oiarbide zerrendaburu duen EAJko hautagaitzak baino 207 boto gehiago lortu ditu –bikoitza baino gehiago–, eta emaitza horiekin indartu egingo da EH Bilduren ordezkaritza udalbatza berrian.
Amaitzear den agintaldi honetan bost zinegotzi izan ditu EH Bilduk udalbatzan, eta hiru Gu Geu Elgeta plataformak. Ekainaren 15ean osatuko den udalbatza berrian, berriz, sei ordezkari izango ditu EH Bilduk eta hiru EAJk.
Hauteskundeetara aurkeztutako zerrenden hurrenkera betetzen bada hauek izango dira udalbatza osatuko duten bederatzi ordezkariak.
EH Bildu nagusi beste bi hauteskundeetan ere
Batzar Nagusietarako hauteskundeetan 336 boto jaso ditu EH Bilduk, eta 238 EAJk. Elkarrekin Podemosek 31 boto eskuratu ditu, PSE-EEk 22 eta PPk 7.
Europako Parlamenturako hauteskundeetan, berriz, boto gehien jaso dituzte lau alderdiak honakoak dira: EH Bildu 310, EAJ 226, Elkarrekin Podemos 40, eta PSE-EE 24.