Ez da eguneroko zaratarik gaur eskola inguruan. Aste Santuko oporrak hartu zituzten barikuan ikasleek eta irakasleek, eta apirilaren 29ra arte hartuko dute atseden.
Oporrak hartu aurretik, kultura astea egin zuten ikastetxean eta Korrika Txikiarekin eman zioten amaieran. Kultura Astearen baitan neska-mutikoek askotariko ekintzak eta irteerak egin dituzten. Denek hartu zuten parte kultura zirkuitu berezian, eta gelaz gelako ekintzak ere izan zituzten.
Haur Hezkuntzako 3, 4 eta 5 urteko geletako ikasleek Eneko Etxegarai ipuin kontalariaren bisita izan zuten. Lehenengo eta seigarren mailetako neska-mutikoek liburutegi zerbitzua ezagutzeko irteera egin zuten, eta gelen arteko musika emanaldiak ere egin zituzten. Horiek dira egindako ekintzetako batzuk; izan ere, gehiago ere eduki zituzten.
Orain, atseden hartzeko egunak dira. Apirilaren 29an emango diote hasiera 2018-2019 ikasturteko azken txanpari.
Argazkien iturria: Elgetako Herri Eskola.
