Etxerik gabeko paraje batean piztu da sua. Gipuzkoako suhiltzaileek jakinarazi dutenez sasiak eta oteak erre dira, eta sua ez da zuhaitzetara heldu. "06:20ean jaso dugu bizilagun baten abisua. Errepidetik gertu piztu da sua, Arraotz inguruan etxebizitzetatik nahiko urrun. Hegohaizea da baina hasieran harrapatu dugu sutea eta nahiko laster izan dugu kontrolpean", esan dute Gipuzkoako suhiltzaileen prentsa bulegotik. "Sasiek eta oteek hartu dute sua.".
Zisterna-kamioiarekin eta ibilgailu arin batekin bertaratu dira suhiltzaileak. Itzaltze lanak egin ostean Foru Aldundiko basozain taldearen eskuetan utzi dute ingurua. Dena bustitzeko ardura hartu dute basozainek sutea berriz piztu ez dadin.
Sute bat dagoen guztietan moduan Ertzaintzak zabalik du ikerketa.