Bada, azkenaldian, pinu jabeak eta nekazaritza sektorea kezkatuta dituen kontu bat; 'Lecanosticta acicola' izeneko onddo bat da hori, intsinis pinua erasotzen ari da eta toki batzuetan, dagoeneko, egoera kezkatzekoa da. Tamalez, Debagoienera eta Elgetara ere iritsi da onddo hori.
Baso politikaren bilakaera, sektoreak izan duen pisu ekonomikoa, basogintzaren gaur egungo errentagarritasuna, gehien ustiatutako espezien inguruko informazioa... Hainbat kontu izango dituzte aztergai gaurko mahai-inguruan, eta debatea ere izango da, gehienbat etorkizunera begira hartu beharreko neurrien eta politiken inguruan.
Sarrera irekia da eta mahai ingurua 19:00etan hasiko da Espaloia kafe antzokian.