Elgetako Udala ingurumenarekin lotutako ekintza bereziak egiten ari da egunotan. Gaur eguerdian, herriko errefusaren edukiontzietatik hartutako lagin bat aztertu dute. Mendizaleen Plazan zabaldu eta neurtu egin dute jakiteko birziklagarriak diren zenbat hondakinek amaitzen duten edukiontzi grisean eta ez dagokien beste batean.
Errefuseko %53,9 birziklagarria da
Udal ordezkariek emandako datuen arabera 53,8 kilo hondakin aztertu dituzte eta horietatik %53,9 —erditik gora— birziklagarria zen. Errefusari zegokion kopurua —ondo sailkatutakoa— 24,8 kilo izan da, hau da errefusaren edukiontzian aurkitutakoaren %46,1.
Organikoaren edukiontzi marroira bota beharrekoak ziren 17,59 kilo; hau da, %32,7.
Papererako den edukiontzi urdinera bota beharrekoak ziren 4,07 kilo, edo %7,57.
Ontzi arinak ziren 2,01 kilo edo %3,74 eta beira 0,66 kilo edo %1,23.
Bestelakoak ere baziren: 4,67 kilo edo %8,68.
