Intxortako Lehoiak lagunarteko kideak pozik dira. Parte hartzaile kopuru polita dago ziurtatuta ekainaren 16ko ospakizunerako eta gonbidatu bereziak ere konfirmatu dituzte. Elgetako Zurigorri Egunean izango dira, esaterako, Jose Angel Iribar, Carmelo Cedrun edo Koikili Lertxundi.
Astebete pasatxo gelditzen da 2018ko Zurigorri Egunerako. Elgetan ospatuko dute aurtengoa, egiten duten hirugarrena. Athletic taldeak Gipuzkoan dituen jarraitzaileen festa izaten da, eta lurralde horretan dauden 16 lagunarteen elkargunea izateko sortu zuten.
Elgetako lagunartearen hamargarren urteurrena ospatzeko eguna ere izango da. Aitzakia horrekin ekarri zuten ospakizuna herrira. 2016an Tolosan egin zuten festa, iaz Zarautzen eta aurten Elgetan izango da.
Egun osoko egitaraua gertatu dute: hamaiketakoa, kalejira txikiteoarekin, bazkaria, omenaldi ekitaldia, DJ festa...
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak