Udalak Ekogunerekin batera antolatuta, ilargiaren araberako egutegiaren gaineko tailerra egingo dute, bihar, eguaztena, herriko baratze parkean. Tailerra doakoa da, 18:00etatik 19:00etara izango da, eta ez da aurretik izena eman beharko.
Egun berean, landare ekologikoak erosteko furgo-baratzea zerbitzua izango da baratze parkean.
Bestelako jarduerak ere egingo ditu Udalak hurrengo egunetan. Barikuan, hilak 8, 12:00etan, errefusaren karakterizazioa egingo dute plazan, eta 18:00etan bigarren eskuko azoka.
Ekainaren 13rako, berriz, Epeleko konpost planta ezagutzeko bisita gidatua iragarri dute. 15:30ean abiatuko da taldea Elgetatik