Astelehenean gustura ibili ziren Elgetako Herri Eskolako ikasleak eta irakasleak Arantzazu inguruan. Lehen Hezkuntzako hirugarren, laugarren, bosgarren eta seigarren mailetako ikasleek egin zuten txangoa, eta giro paregabearekin ibili ziren Gomiztegi artzain eskolan zein Arantzazun.
Gomiztegin artzaintzaren munduaren berri jaso zuten. Kortan sartzeko aukera izan zuten, ardiak ikusteko eta ukitzeko aukera ere bai, eta bertako hezitzaile baten eskutik ikasi zuten artzainaren lanak zeintzuk diren. Gazta nola egiten den ere azaldu zieten, eta gatzatua egiteko aukera izan zuten. Jan ere gustura egin zuten nork bere eskuekin egindako gatzatua.
Gomiztegiko bisita amaituta artzain eskolatik Arantzazurainoko bidea egiten duen ibilbidea egin zuten, eta sai edo putre saldo bat oso gertutik ikusteko aukera izan zuten.
Bihar eta etzi Kontsumobide jardunaldiak
Bihar eta etzi, berriz, Lehen Hezkuntzako ikasleek Kontsumobide tailerretan hartuko dute parte. Lehenengo mailakoek ura nola kontsumitu eta aurreztu landuko dute. Baita ere ontziak eta horien berrerabilera. Bigarren eta hirugarren mailako ikasleek jantzien eta litxarrerien inguruko tailer bana egingo dute. Zer janzten duten eta zer jaten duten hausnartuko dute.
Laugarren mailako ikasleek elikagaien ekoizpena landuko dute eta bereziki ogiarena. Anbientadorearen bizi zikloa ere aztertuko dute.
Azkenik, bosgarren eta seigarren mailetako ikasleek telefono mugikorraren erabilera eta Internet izango dituzte aztergai.
![](https://goiena.tok-md.com/argazkiak/xbU/cache/20180507_110631_content.jpg)
![](https://goiena.tok-md.com/argazkiak/ulv/cache/20180507_114329-1_content.jpg)
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak