Elgetako emakume taldeak deituta Hau ez da erasoa, bortxaketa da! Nahikoa da! zioen pankartaren atzean elkartu dira hainbat herritar, 19:00etan. Zarata egiteko tresnak eraman dituzte askok eta hamabost minutuko elkarretaratzea egin ostean kantxa pareko biribilgunera joan dira oinez pankarta ikusteko moduko leku batean uztera.
Nafarroako Auzitegiak Iruñeko erasoari lotuta eman duen epaiak protesta ekitaldi ugari eragin ditu. Elgetan, 60 lagunetik gora elkartu dira emakume taldeak 19:00etarako deitutako kontzentrazioan. Hau ez da erasoa, bortxaketa da! Nahikoa da! pankartaren atzean kokatu dira, eta bestelako mezuak ere irakur zitezkeen ekitaldirako prestatutako orrietan: Hau ez da justizia!, Guk sinisten dizugu! edo Hau ez da erasoa, bortxaketa da!
Elkarretaratze zaratatsua izan da eta txilibitu, lapiko zein zintzarri hotsak izan dira nagusi. Hamabost minutuko elkarretaratzea egin ostean taldeak kiroldegi aldera egin du eta saihesbideko aldeetako batean utzi dute lotuta pankarta.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
