ELA eta LAB sindikatuek EAEko udal eta foru aldundietako langileak lanuztea egitera deitu dituzte gaurko, otsailak 28, 11:00etatik 15:00etara eta 15:00etatik 19:00etara. Elgetako udal langileek bat egin dute deialdiarekin eta ordutegi horretan udaletxeko zerbitzuak etenda egongo direla jakinarazi dute.
Publiko egindako ohar baten bidez Elgetako udal langileek jakinarazten dute lan uztea egiten dutela udal langileen lan baldintzen alde, enpleguaren defentsan, zerbitzu publikoen indartzearen alde eta Udalhitz hitzarmen kolektibo berri baten alde.
"Zehazki hauek dira aldarrikapenak: zerbitzu publikoak garatu, suntsitutako enplegu publikoa berreskuratu eta egonkortu —behin-behinekotasuna %6tik behera—, negoziazio kolektiborako eskubidea berreskuratu, galdutako eskubideak eta eros-ahalmena berreskuratu, hitzarmenak bete, ofentsibako negoziazio kolektiboak aktibatu instituzioetan", adierazi dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak