Urte aldaketarekin Kabiaren esku geratu da Bergarako Mizpirualde egoitzaren kudeaketa

Bergarako Mizpirualde egoitza.

Mizpirualdek Bergarako, Antzuolako eta Elgetako egoiliarrak artatzen ditu. 99 egoiliar ditu gaur egun, tartean bost elgetar.

2017ko abenduaren 31 ezkero Diputazioaren Kabia erakundeak kudeatzen du Mizpirualde egoitza. Egoiliarren artean dira bost elgetar, hiru emakume eta bi gizon.

Kudeaketa Kabiaren esku geratzeak ez die egoiliarrei eragingo, Mizpirualdeko zuzendari Gregorio Iruretagoienaren arabera: "Ez dute ezer nabarituko, hori da behin eta berriz Kabiatik eta Udaletik esan digutena; prozesu honetan hori da inportanteena. Gaur egun jasotzen duten arreta bera edo hobea izango da. Funtzionamendu aldetik, erabaki inportanteenak Kabiak Donostian duen egoitzan hartuko dira".

Funtzionamenduan aldaketak izango dira, baina egoiliarrengan zein langileengan ez du ondorio aipagarririk izango: "Zerbitzuak mantendu egingo dira, eta, beraz, euren arretan eta egunerokotasunean ez dute aldaketarik sumatuko. Langileen baldintzek ere berdinak izaten jarraituko dute".

Erlazionatuak

Kabiara aldatzeak ez du eragingo Mizpirualdeko egoiliarrengan zein langileen baldintzetan

Bergara

Mizpirualde egoitza Diputazioaren Kabia erakundeak kudeatzera pasatzeak ez du eragingo bertako 99 egoiliarrek behar duten arretan eta langileen bal...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.