Faemino eta Cansado umorista ezagunek goraino bete zuten atzo, zapatua, Elgetako Espaloia Kafe Antzokia: "Hasieratik barrez lehertu ginen, eta horrela izan zen amaierara arte. Agertoki gainean izarrak dira eta jaisten direnean ere gertukoak eta oso jatorrak dira", diote Pikupe Produkzioak-ekoek. Lehen aldiz izan ziren atzo Elgetan Debagoienean eskaini duten lehen emanaldian. Gaur, domeka, Arrasateko Amaia antzokian errepikatu dute; sarrerak agortzear daude.
Goi mailako umoristak dira, inprobisaziorako ahalmen handikoak: "Gidoi bat dago, noski. Eurek azaltzen dutenez, errespetua zor diote ikusleari. Hala ere, ikuskizun bakoitza ezberdina da; txiste berriak sartzen dituzte, adibide ezberdinak jarri... Ordu eta erdiko ikuskizuna da, ia etenik gabe barrez lehertzekoa", diote Pikupe Produkzioak-ekoek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak