San Sebastian eguna da gaur, gurean ere entzun ditugu Sarriegiren doinuak. Herri Eskolako neska-mutikoek danborrada egin dute gaur eguerdian, Elgetan.
San Sebastian kofradiako nobleek urtero egiten duten ekitaldian izan dira, eta 50 bat ume elkartu dira elizaren arkupean, Haur Hezkuntzakoak gehienak.
Hotza zen Elgetan: termometroak 2 gradu inguru markatzen zituen eta euria ez, elur-ura zen. Baina aurre egin diote eguraldi txarrari eta Nobleek neska-mutikoen danborradaz gozatu dute. Gurasoak ere ez ziren falta. Umeak danborra jotzen ikustera hurbildu dira batzuk.
Nobleen urteroko ekitaldia
Aspaldiko tradizioari jarraituz gaur San Sebastian kofradiako 23 noble elkartu dira Elgeta. Umeen danborrada entzun ostean mezetara sartu dira. Amaitutakoan urteko gorabeherak jasotzeko ekitaldia egin dute sakristian eta bazkariarekin amaituko dute eguna.
