Plastikozko ontziarekin erosketa egiten duen bakoitzean zozketa baterako zenbakia jasotzen du erosleak. Hala, honakoan, iraileko zenbaki sarituak dira: 48 Ugari dendan, 427 Goikoetxe harategian eta 477 Amagoia arrandegian.
Bide onetik
Bultzatzaileen esanetan bide onetik doa uztailean Ekogunearekin elkarlanean martxan jarritako Ontziratu zaitez! kanpaina. "Udaletxetik elgetarrak zoriondu gura ditugu eta baita animatu ere erosketak egiteko orduan tuperrak erabiltzera", adierazi dute. "Gogoratu gura dugu oraindik tupperra eskatu ez duenak aukera daukala horretarako bai kanpaina honetan bidelagun ditugun Amagoia arrandegian, Goikoetxe harategian eta Ugari dendan bai udaletxean. Esan etxeko tupperrak ere erabili daitezkeela".