Udalak herri osorako wi-fi sarea sortzeko aukera ikusten du. Guifi.net proiektuko kide GipuzkoaShare-k egingo luke hedapena. Proiektuak 7.260 euroko inbertsioa dakar: Udalak 2.294 euro ipiniko lituzke, Gipuzkoako Foru Aldundiak 4.966 euroko dirulaguntza ematen baitu.
Egitasmoa zein den azaltzeko eta herritarren artean sor daitezkeen zalantzei erantzuna emateko, GipuzkoaShare-ko kide bat Elgetan izango da eguaztenean, hilak 19. Batzar informatzailea deitu dute 19:00etarako, udaletxean.
Kostua herritarrendako
Internet konexio horretara heltzeko atari bakoitzak 350 euro inguruko kostua duen gailu bat ipini beharko luke antena kolektiboan. Gero, konexioa eskaintzen duen agentearekin hitzartu beharko litzateke Interneterako konexio kuota. "Asmoa da kuota soziala izatea", adierazten dute bultzatzaileek; "hilean 10 euro baino gutxiago".