Litekeena da, bi aste barru ez ohiko batzar bat deitzea gaiaren gainean eztabaidatu eta erabaki bat hartzeko. Oxel Erostarbe alkatearen esanetan, ordea, "presa ez da lagun ona erabakiak ondo hartzeko".
"Ezinezkoa ikusten dut agintaldia bukatu aurretik
Elgetan atez atekoa ipintzea", adierazi du Oxel Erostarbe alkateak, eta
hausnarketarako denbora eskatzen du. "Atez atekoa defendatzen dut, baina
jakin nahi dut zein den elgetarren iritzia", esan du. "Ezin dira herritarren
ohiturak egun batetik bestera aldatu. Usurbilen ere egin zuten, eta uste dut
Elgetan eta Debagoienean ere galdeketa egin beharra dagoela, eta horren arabera
erabakiak hartu". Plangintza estrategikoa, ekintza plana eta bideragarritasun txostena ere beharrezko ikusten ditu Elgetako alkateak.
Argi dago ate joka dugula atez atekoa Elgetan ere. Erabaki serioa da
agintariek uneotan esku artean dutena. Labur esanda atez atekoa edo bosgarren
edukiontza da mahai gainean dituzten bi aukerak. Ezker abertzalearen eta
Aralarren aldeko botoekin Elgeta parte den Debagoieneko Mankomunitateko
Ingurumen Batzordeak ekainaren 9an onartu zuen atez atekoaren alde egitea. Gainera, zabor
bilketa sistema horrekin herri txikietan hastea aztertzen dihardute, eta Antzuola
eta Elgeta dira lehenengo bi aukerak.
Zaborraren udal batzordea
Elgetako alkateak esan du hurrengo asteetan landuko dutela gaia udalean talde bakoitzak bere iritzia eman dezan. Udal talde politikoak gaia aztertzeko eskaera jaso dute, eta udal gobernuaren asmoa da batzorde bat sortzea gaia lantzeko. Ferixa Nagusiko jaien ondotik izango da hori.
Bosgarren edukiontziaren aukera
Atez atekoak kontrako iritziak ere sortu ditu. Bosgarren edukiontziaren alternatibaren alde agertu dira, orokorrean, sozialistak eta jeltzaleak. Azaltzen dute epe luzera atez atekoa garestiagoa dela eta emaitzak
antzekoak direla.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak