Espainiak Euskal Herrian gauzatzen duen "nazio zapalkuntza betikotzeko beste saiakera bat" da gaurkoa, Jarkiren esanetan. "Izan ere, espainiar zapaltzaile nagusietako bat den Felipe V. Erregea datorkigu Debagoienera".
"Testuinguru argi" batean kokatu du bisita antolakundeak. "Hispanitate egunaren ondotik, espainolismoari men egin eta asimilazio nazionala hedatzen jarraitzeko, espainiar estatuburua gure eskualdean azalduko da. Euskal burgesiaren konplize zuzena izanik, espainiar erregeak Euskal Herrian egiten duen enegarren agerpen publikoa izango da; alfonbra gorria jartzea besterik ez zaie falta", nabarmendu du, ohar bidez.
Gaineratu du "Euskal Herri langileari" dagokiola "euskal burgesiaren konplizitate eta interes ekonomikoak salatzearekin batera, Euskal Herriko zapalkuntza nazionala gauzatzen duten espainiar eta frantziar estatuen kontra egitea". Horregatik, "klase eta nazio zapalkuntza parametro iraultzaileetan jorratu eta botere faktiko zein sinbolikoekin apurtzea ezinbestekoa" dela azpimarratu du Jarkik.
Abenduaren 6an, Durangon
Espainiako erregearen presentziaren "zuriketa" salatzeko asmoz, abenduaren 6an Durangon egingo du manifestazioa Jarkik, 12:30ean. "Debagoienetik, bat egiteko deia luzatzen diogu Euskal Herri Langileari", gaineratu dute.