ELAk dagoeneko iragarri du greba egun horretarako deituko duela. Etxebizitzarekin negoziorik ez egiteko eta etxegabetzeak gelditzeko eskatuko dute eta putre-funtsei ezetz esateko baliatu.
LABek, ostera, data hori proposatuko dio bere Nazio Biltzarrari bihar, eguena. "Soldata eta etxebizitza duinak denontzat helburu, lantokiak itxi eta kaleak beteko ditugu", adierazi dute.
ESK sindikatua ere prest agertu da azaroaren 11an Hego Euskal Herrian greba orokorra martxan jartzeko. Bihar, eguena, Batzorde Nazionalak deialdia aztertuko duela adierazi dute. "ESKrentzat bizitza duin bat izateko ezinbestekoa da etxebizitza eskubidea bermatzea".
